Sche jeu fuss …

Sch’jeu fuss in milliardari, lu fussel jeu fetg cuntents. Lu savess jeu atgnamein cumprar tut quei ch’jeu vuless, ni meglier detg il bia. Jeu fagess lu mia entira veta vacanzas, mass intec pil mund entuorn a visitar las bialas tiaras, mars ed attracziuns. Segir dess jeu era daners a mia famiglia e parents e suenter cumprass jeu mes autos da siemi. Quei che stess era aunc sin la gliesta da cumpra fuss: ina fetg gronda casa sper la mar cun in fetg grond prau per ch’ins savessi baghegiar leu ina pista da motocross e dad autos. Aber mo cun ina casa fuss’jeu buca cuntents, jeu cumprass forsa aunc 3 ulteriuras. Ina zanua els cuolms per ch’ins savessi ir cun skis, per exempel el Canada, ell’Austria ni en Svizra. Probabel cumprassel jeu aunc: in jet, in helicopter ed in grond bastiment. Pil mument fuss quei cheu ussa tut. Quei fuss denton probabel aunc pér la mesadad da quei ch’jeu savess metter avon.

L.O

La veta suenter scola

Ei va buca aschi ditg pli entochen che quels 9 onns da scola ein vargai. Lu entscheivel jeu igl emprendissadi. Per quel ston ins luvrar bein e far ina buna finiziun dalla scola. Jeu saiel metter avon ch’ei vegn ad esser pli stregn e buc aschi bi sco en scola. En scola eis ei per part buc aschi stregn ed ins entaupa ils collegs mintgadi. Las fin d’jamna san ins gie aunc tuttina s’entupar cun ils collegs, per exempel en sortida. Grad suenter scola van ils biars alla party „Eleven free“, quei ei ina gronda party si Breil nua che quels ch’ein gest ord scola san ira. La stad datti lu aunc da quels „Open Airs“ nua che renomai cantadurs vegnan a dar concerts. Quels „Open Airs“ ein il bia treis dis, leu san ins era far tenda cun ils collegs ni aschia. Quei che vegn era a semidar ein las vacanzas ed il temps liber. En scola havein nus naturalmein pli bia jamnas vacanzas che egl’emprendissadi e bia dapli temps liber. Cun ira suenter scola a far il „hängen“ zanua el vitg eis ei lu finiu. Jeu sai metter avon che mes hobis vegnan era a semidar in tec. Ir cun skis la mesjamna suenter miezdi vegn buc pli ad esser pusseivel.

Gievgia grassa (tscheiver)

Ei fuss puspei inagada aschi lunsch ch’igl ei tscheiver, per mei munta quei esser ensemen cun la classa/collegs e mirar ensemen il til e tedlar la musica dallas guggas. Denton van ins aunc a beiber in ensemen ni a far in tec fiasta. Aber en sesez quetel jeu il tscheiver era buc aschi specials. La scola primara fa mintgamai mascras pil til, lu ei quei naturalmein interessant da mirar tier. L’emprema classa dil scalem superiur sto mintgaga ir cun las tablas, che muossan tgei gruppa che vegn sco proxima. Suenter il til astgan quels che ein separticipai al  til ir sil center da sport a magliar in sandwich e beiber zatgei. Suenter quei ein els relaschai e san lu ir a casa. La sera datti aunc mintgaga ina party da tscheiver nua ch’ils carschi ni quels ord scola san ira.

Mia davosa etappa da scola

L’emprema etappa da scola ei vargada, uss entscheiva lu la secunda etappa. Ei va mo pli 165dis entochen alla fin. Quels dis emprovel jeu aunc da far ina buna finiziun dalla scola, e semplamein aunc guder quei temps.

Finamiras

Mia emprema finamira ei da finir inaga la scola, suenter quella guder in tec las vacanzas. Secunda finamira ei da far ina buna finiziun digl emprendissadi da mecanist, e suenter quei emprendissadi far miu secund emprendissadi sco maschinist da maschinas da baghegiar.

Jeu less saver habitar persuls inagada, pia esser independents, haver ina buna paga per saver cumprar miu auto da siemi e fundar mia atgna famiglia. La pli impurtonta finamira ei denton da restar sauns e semplamein guder la veta e fa il meglier pusseivel ord quella.